Kreyòl Enfo, 20 avril 2020 .- Lidè Koredinò a, Kim Jong-un, ap pran laswenyay aprè li te fin fè yon operasyon nan kè nan kòmansman mwa a, daprè plizyè medya nan peyi Etazini. Enfòmasyon CNN di li jwenn nan kèk sous ki pwòch sèvis entèlijans ameriken yo konfime Kim Jong-un « grav anpil ».
Anpil kesyon t ap poze sou sante Kim Jong-un depi lè li pat patisipe nan aktivite 15 avril pase a, dat anivèsè gran papa li, Kim Il Sung, fondatè Koredinò, ki mouri nan lane 1994.
Kim Jong-un te parèt devan piblik depi 11 avril avan yon reyinyon ak manm gouvènman an. Konsèy nasyonal sekirite Etazini ap swiv sitiyasyon an, toujou daprè CNN ki di yo poko konnen pou ki rezon Kim Jong-un te fè operasyon sa.
Kreyòl Enfo