Kidnaping : Minis Rockfeller Vincent anonse arèstasyon 25 sispèk

👤 Kreyòl Enfo

Kreyòl Enfo, 6 me 2021.- Minis jistis ak sekirite piblik la, Rockfeller Vincent, anonse sou Twitè lapolis arete 25 endividi yo sispèk nan kidnaping ak vòlè zafè moun nan katye « Chávez », komin Kafou. Fòs lòd yo mete lapat sou endividi sa yo nan lanwit mèkredi 5 me 2021 an.

Minis jistis pa bay twòp detay sou idantite sispèk sa yo. Li pa di tou si fòs lòd yo libere otaj epi sezi zam pandan operasyon sa.

Rockfeller Vincent mande popilasyon an kontinye pote kole ak lapolis pou frennen aksyon bandi yo. Li konseye sitwayen yo pratike « je wè bouch pale » lè yo sispèk move lawon ap komèt vye zak nan katye lakay yo.

»   Ensekirite : bandi kidnape yon enspektè polis epi egzije yon magogo lajan pou libere l

Kreyòl Enfo

ou ka enterese