Kreyòl Enfo, 21 fevriye 2020 .- Ansyen depite Sinal Bertrand bandi te kidnape jwenn liberasyon l aswè vandredi 21 fevriye a. Kidnapè yo ta resevwa 40 mil dola ameriken pou libere reprezantan sikonskripsyon Pòsali nan 50e lejislati a.
Bandi yo te kidnape ansyen palmantè a sou wout Dèlma, zòn Dèlma 65, nan lanwit jedi pou louvri vandredi 21 fevriye a, pandan li te nan yon machin ansanm ak yon lòt moun.
Sinal Bertrand se dezyèm depite 50e lejislati a bandi kidnape. 27 novanm 2019, nèg ak zam nan Latibonit te pran ansyen depite Fritz Chèry pandan li te nan machin ap rantre Pòtoprens.
Kreyòl Enfo