Pòtoprens, vandredi 7 desanm 2018 .- Kòdonatè Espesyal pou Ayiti nan depatman Leta, Kenneth Merten, chita pale jodi vandredi a (7) ansanm ak prezidan epi vis prezidan chanm Depite ak Sena Repiblik la.
Prezidan Sena a, Joseph Lambert presize zafè politik, dosye ensekirite ak eleksyon te nan mitan diskisyon yo te genyen ak Kenneth Merten ki te akonpaye ansanm ak anbasadè ameriken an Michel J. Sison.
Aprè rankont la, prezidan chanm depite a, Garry Bodeau mande tout aktè politik yo yon poz politik pandan fèt nwèl ak finisman lane yo.
Kreyòl Enfo