Kafouyay nan palman an, 70 depite pran devan Sena a epi entèpele Jean Henry Céant

Kreyòl Enfo, 15 mas 2019 .- Pandan Sena Repiblik la chwazi 20 mas pou entèpele premye minis la, yon gwoup 70 depite pran devan epi mande Gary Bodeau pran tout dispozosyon pou entèpele tout gouvènman Jean Henry Céant ap dirije a lendi 18 mas k ap vini la a.

Pou jistifye pike devan sa, depite yo fè kwè pandan gouvènman Jean Henry Céant an peyi a vin gen plis pwoblèm ensekirite, latwoublay ak plis lamizè. Se tout gouvènman ki pou ale paske li pa bay rezilta, daprè youn nan depite ki siyen dokiman entèpelasyon an.

20 mas, dat ki fikse pou seyans nan Sena a, premye minis la, Jean Henry Céant, minis jistis la ak minis enteryè a ta dwe vin bay senatè yo eksplikasyon sou 7 mèsenè etranje lapolis te arete anba lavil la epi otorite transfere nan peyi Etazini.

Kreyòl Enfo