Kreyòl Enfo, 23 dawout 2019 .- Polisye Goof Williamson tonbe anba bal bandi, aswè jedi 22 dawout la, nan ri Kot Plaj 18, komin Kafou, pandan yon pwogram » Car Wash Party » Tony Mix t ap anime. DJ a òganize pwogram sa chak jedi bò lakay li nan Kot Plaj.
Viktim nan ki te soti nan 22e pwomosyon Lapolis la t ap travay nan komisarya Kafou, daprè enfòmasyon ki rive jwenn redaksyon Kreyòl Enfo. Jij depè ak ajan nan lapolis syantifik ki te fè konsta legal yo te bay lòd pou leve kadav viktim nan depi nan mitan lanwit la.
Goof Williamson vin ogmante kantite moun ki pèdi lavi yo nan pwogram « Car Wash Party » nan kapital la pandan peryòd vakans la.
« Car Wash Party » se yon pwogram kote jèn gason ak jèn fanm ak danse gwo mizik DJ epi ap vide dlo sou yo.
Kreyòl Enfo