Kreyòl Enfo, 21 mas 2019 .- Prezidan Jovenel Moise vire paj Jean Henry Céant an epi nome minis Kilti ak kominikasyon Jean Michel Lapin kòm Premye minis pou yon ti bout tant, daprè yon arete prezidansyèl ki pibliye nan jounal Le Moniteur jedi 21 mas la.
Jean Michel Lapin gen misyon pou jere dosye dosye ki pa ka tann yo pandan chèf Leta ap mennen demach pou nome yon nouvo Premye minis.
Prezidan Jovenel Moise pa menm tann lèt demisyon Jean Henry Céant chanm depite a te revoke 18 mas pase nan yon seyans entèpelasyon espesyal.
Notè Jean Henry Céant ki di li toujou Premye minis pote plent lajistis kont vòt chanm depite a li estime ki fèt dèyè do lalwa.
Kreyòl Enfo