Jovenel Moise anonse demach pou chwazi yon lòt Premye minis

Kreyòl Enfo, 18 mas 2019 .- Yon ti tan aprè seyans entèpelasyon nan chanm depite a, prezidan Gary Bodeau ekri chèf Leta a, Jovenel Moise, pou enfòme l sou dezisyon depite yo pran pou revoke Jean Henry Céant ak tout gouvènman an.

San pèdi tan, Prezidan Jovenel Moise reponn Gary Bodeau epi di li pran nòt 93 depite vote pou voye Jean Henry Céant ak gouvènman an ale. Chèf Leta anonse li pral tanmen tout demanch pou chwazi yon nouvo Premye minis.

Sepandan, Sena Repiblik la ki li menm tou te entèpele Premye minis la pou jodi a pa rekonèt vòt ki fèt nan chanm depite a. Biwo gran kò a ki pat jwenn kowòm anonse y ap rapouswiv ak seyans la mèkredi 20 mas.

Kreyòl Enfo