Home Ekonomi Jouthe anonse gouvènman an pral desann pri gaz sou mache a

Jouthe anonse gouvènman an pral desann pri gaz sou mache a

by Kreyòl Enfo

Kreyòl Enfo, 5 me 2020 .- Premye minis, Joseph Jouthe, anonse gen dispozisyon gouvènman an ap pran pou desann pri gaz nan ponp yo. Chèf primati a di l ap tann yon rapò nan men minis Ekonomi ak Finans la ansanm ak Direktè BMPAD la avan Leta rann desizyon sa ofisyèl epi fikse nouvo pri yo.

Yon pati nan yon ponp gaz

Kèk rèsponsab sendika transpò Kreyòl Enfo (KE) te kontakte di sa fè lontan y ap tann gouvènman an pran desizyon sa. Sendikalis yo raple gen plis pase 2 mwa depi pri gaz yo bese atè plat sou mache entènasyonal la.

Reprezantan chofè yo swete gouvènman an chita pale ansanm ak yo sou dosye a pou evite bouch long aprè. Yo mande premye minis Joseph Jouthe ansanm ak prezidan Jovenel Moise siyen dokiman pou bese pri gaz yo avan semen nan fini.

Kreyòl Enfo

0 comment