Jounalis Widson Dalès Buteau, youn nan fondatè ajans Kreyòl Enfo, mouri

Pòtoprens, 13 fevriye 2019 .- Dèy anvayi Kreyòl Enfo ak laprès aprè lanmò jounalis Widson Dalès Buteau maten mèkredi 13 fevriye 2019 la.

Dalès Buteau, 33 lane, ki t ap travay tou nan Alterpresse ak Alterradio rann dènye souf li sou kabann lopital aprè sèlman twa (3) semèn ap soufri ak yon maladi.

Lanmò sanzatann Rèsponsab enfòmasyon Kreyòl Enfo a lage gwo lapenn nan mitan tout kolaboratè ak moun ki abitye swiv enfòmasyon sou platfòm nan.

Ekip Kreyòl Enfo a remèsye tout moun ki pataje moman difisil sa ansanm ak nou.

W ap kontinye sèvi limyè pou klere chimen nou kanmarad !

Kreyòl Enfo