Jounalis Esther Dorestal, Madanm ansyen sektetè Leta Eddy Jackson Alexis, mouri ak kowonaviris

👤 Kreyòl Enfo

Jounalis Esther Dorestal

Kreyòl Enfo, 10 jen 2021.- Epidemi kowonaviris la kontinye ap fè dega nan peyi a. Jounalis Esther Dorestal mouri, jodi jedi 10 jen an, nan sant trètman kowonaviris Dèlma 2 a kote li t ap resevwa laswenyay depi kèk jou. Se mari viktim nan Eddy Jackson Alexis ki konfime enfòmasyon sou Twitè.

Ansyen sekretè Leta kominikasyon an ekri  » se difisil pou aksète men sa rive. Mwen pèdi madanm mwen Esther, Kit. Li pa reziste anba Kovid-19. Modi pandemi ! »

Esther Dorestal te travay nan plizyè medya nan kapital la pami yo Televizyon Nasyonal Ayiti (TNH). Jounalis la mouri kite 2 pitit fi.

»   Kowonaviris : chèf enspeksyon jeneral polis la kontamine

Kantite moun k ap pèdi lavi yo anba ouvo kowonaviris la ap ogmante chak jou pi plis. Rèsponsab lasante yo konfime plizyè lopital pa gen espas ankò pou resevwa moun ki enfekte yo. Otorite yo kontinye mande popilasyon an lave men yo, mete kachnen epi rèspekte distans 1 mèt 50 la.

Kreyòl Enfo

ou ka enterese