Kreyòl Enfo, 5 jiyè 2020.- Lapolis nan vil Jakmèl (Sidès) mennen yon gwo operasyon, jodi dimanch la (5), kay sitwayen Israel Labbe nan zòn Lamandou. Pandan operasyon sa polisye ki te nan operasyon an sezi yon dividal gwo zam fann fwa ak tout minisyon.
Israël Labbe ak tout madanm li ki te nan kay la pandan operasyon an jwenn arèstasyon yo. De (2) moun sa yo rete fèmen nan gadavi komisarya Jakmèl la avan yo transfere nan Direksyon santral polis jidisyè (DCPJ sig nan lang franse), daprè yon rèsponsab nan depatman Sidès la.
Vil Jakmèl pa epanye anba gwo fenomèn ensekirite ki anvayi peyi a. Plizyè sitwayen pèdi lavi yo anba bal bandi pandan ane 2020 an.
Kreyòl Enfo