Jakmèl : Kolektif 7 fevriye denonse « nèg ak zam k ap menase militan k ap batay kont pouvwa Tèt Kale a »

Kreyòl Enfo, 17 fevriye 2019 .- Militan politik k ap batay kont pouvwa Tèt Kale a nan vil Jakmèl ap sibi anpil menas, depi kòmansman wikenn nan, anba men patizan pouvwa a, daprè youn nan rèsponsab Kolektif 7 fevriye yo.

Daprè enfòmasyon ki rive jwenn Kreyòl Enfo, gen endividi ak gwo zam fanm fwa k ap mache tire nan zòn kote militan opozisyon yo rete, sitou tou pre baz « Anba zanmanm ». Yon militan ta pèdi lavi l anba bal endividi otorite yo poko idantifye nan lanwit samdi pou louvri jodi dimanch la.

Kolektif la ki mande konkou òganizasyon k ap defann dwa moun yo swete rèsponsab Lapolis nan depatman Sidès la pran rèsponsabilite yo.

Kreyòl Enfo