Jakmèl : endividi otorite yo poko idantifye  touye epi boule kadav yon chofè taksi moto

👤 Kreyòl Enfo

Kreyòl Enfo, 13 me 2021.- Stevenson Jean Jacques se non yon chofè taksi motosiklèt ki pèdi lavi l, nan lanwit lendi 10 me 2021 an, nan zòn Kap Lamandou, komin Jakmèl. Se endividi otorite yo poko idantifye ki ta touye epi boule kadav jèn gason sa, daprè yon kòlèg li.

Chofè taksi motosiklèt yo nan vil Jakmèl manifeste mekrèdi 12 me a pou reklame jistis pou viktim nan. Pwotestatè mande lapolis fè tout sa ki posib pou mete lapat sou kriminèl yo epi trennen yo devan lajistis.

Chofè taksi motosiklèt yo te jwenn sipò plizyè militan politik pandan manifestasyon sa. Yo t ap lanse anpil move pawòl tou kont otorite nan depatman Sidès la yo di ki lage vil Jakmèl bay bandi.

»   Ensekirite-Nòdwès : bandi touye 5 moun epi mete dife nan plis pase 10 kay

Kreyòl Enfo

ou ka enterese