Home Entènasyonal Itali : nan yon jounen, 250 moun mouri ak kowonaviris

Itali : nan yon jounen, 250 moun mouri ak kowonaviris

by Kreyòl Enfo

Kreyòl Enfo, 13 mas 2020 .- Kantite moun ki mouri ak kowonaviris yo rive jouk 250 pandan 24 èd tan nan peyi Itali. Pi gwo kantite moun ki mouri ak viris la pandan yon jounen nan yon peyi.

Ajans Pwoteksyon Sivil presize 250 moun ki mouri nan dènye 24 trè yo reprezante yon ogmantasyon 25%. Pandemi a deja touye 1 266 moun nan peyi Itali. Kantite moun ki enfekte yo soti 15 113 pou monte 17 660 jodi vandredi a. Yon ogmantasyon ki reprezante 17%.

Depi semèn pase a, otorite italyen yo pran dispozisyon pou mete tout peyi a nan izòlman. Yon mezi ki sanble poko bay rezilta rèsponsab yo te espere a.

Aswè vandredi a, Lachin voye yon ekip espesyalis pou ede Itali fè fas ak pandemi a.

Kreyòl Enfo

0 comment