Kreyòl Enfo, 21 mas 2020 .-Jodi samdi a (21), rèsponsab pwoteksyon sivil yo nan peyi Itali anonse kovid-19 touye 793 moun pandan dènye 24 èd tan yo. Pandemi an gentan voye 4 825 moun nan peyi san chapo, sèlman nan peyi ewopeyen an.
Otorite italyen yo pa konn ki sen pou yo priye pou kontreka viris la. Malgre gouvènman an pran mezi pou anpeche sitwayen yo sikile nan tout peyi a, dividal moun kontinye ap mouri chak jou pi plis.
Itali se peyi kote Kowonaviris gentan touye plis moun sou latè.
Kreyòl Enfo