Kreyòl Enfo, 29 fevriye 2020.- Se ofisyèl rèsponsab foutbòl yo nan peyi Itali deside, byen bonè samdi a, repòte match Juventus-Inter ak kat (4) lòt rankont ki te pwograme pou jwe nan estad san fanatik pandan wikenn nan. Desizyon sa pran akoz nouvo kowonaviris ( Covid-19) k ap vale teren nan zòn nò peyi Itali.
Aprè chòk Juventus – Inter a kote 2 ekip yo ap goumen pou tèt klasmam an, Lig foutbòl italyen an repòte tou match : Milan – Genoa, Parma – Spal, Sassuolo – Brescia ak Udinese – Florentina.
Match sa yo pwograme kounye a pou jwe 13 me k ap vini la a. Final koup Ia ta dwe repòte tou pou mèkredi 20 me.
Kreyòl Enfo