Home Aktyalite Ijan : yon enspektè jeneral polis tonbe anba bal bandi Pòtoprens

Ijan : yon enspektè jeneral polis tonbe anba bal bandi Pòtoprens

by Kreyòl Enfo

Kreyòl Enfo, premye desann 2019 .- Enspektè jeneral polis, Michael Lysius, tonbe anba bal bandi otorite yo poko idantifye, aswè dimanch la, bò lakay li, nan katye Vivimichel.

Enspektè a ki te nan yon machin wouj resevwa pou pi piti nèf (9) katouch, daprè enfòmasyon yon sous nan Lapolis pataje ak Kreyòl Enfo. Foto viktim nan k ap benyen nan san li devan machin nan deja ap fè laviwonn rezo sosyal yo.

Michael Lysius ki t ap travay nan Enspeksyon jeneral te dirije tou Direksyon santral lapolis jidisyè (DCPJ, sig nan lang franse).

Enspektè jeneral polis la tonbe nan moman kote fenomèn ensekirite a ap vale teren nan kapital la. Nan lanwit samdi pou louvri jodi dimanch la plizyè jèn gason pèdi lavi yo anba bal nan Komin Kafou.

Kreyòl Enfo

0 comment