Kreyòl Enfo, 9 jen 2020.- Epidemi kowonaviris la touye yon manm nan gouvènman ayisyen an. Sekretè Leta afè sosyal la, Emmanuel Cantave alyas Manno, ki t ap soufri ak kovid-19 depi kèk jou rann dènye souf li maten madi 9 jen an. Se Sekretè Leta kominikasyon an Eddy Jackson Alexis ki konfime enfòmasyon an sou Twitè.
Eddy Jackson Alxis ekri « kòlèg nou Emmanuel Cantave, sekretè Leta afè sosyal, kite nou maten an. Li t ap soufri ak kovid-19». Sekretè Leta kominikasyon an pwofite,« nan non gouvènman an, wete chapo pou salye fanmi defen an, Ministè afè sosyal, ak kanmarad konba Manno».
Ayiti, epidemi kowonaviris la gentan pote ale 54 moun pami yo plizyè gwo otorite nan peyi a. Avan Sekretè Leta Emmanuel Cantave, viris la te deja touye pou pi piti 2 komisè polis. Plizyè lòt gwo zotobre nan administrasyon piblik la kontamine tou.
Emmanuel Cantave, ansyen manm ,«Fanmi Lavalas» te yon militan dwa moun.
Kreyòl Enfo