Kreyòl Enfo, 8 jiyè 2020 .- Robert Harry Bretous, Lapolis suspèk nan lanmò Nancy Dorléan ak Sébastien Petit, pote tèt li nan komisarya Tomasen an, komin Petyonvil, nan mitan jounen mèkredi 8 jiyè 2020 an.
Yon sous nan Direksyon Santral Polis Jidisyè (DCPJ, sig nan lang franse) ki konfime enfòmasyon an pou redaksyon Kreyòl Enfo (KE) presize Robert Harry Bretous pran desizyon sa aprè plizyè operasyon ajan fòs lòd yo mennen nan plizyè kay sispèk la genyen nan zòn Montay nwa, Bwa Vèna ak Tomasen 32.
2 jiyè pase a, lapolis te mete avi pou chèche pitit ansyen kandida pou pòs prezidan, Joseph Harry Bretous, aprè yo te fin sispèk tras san nan machin li, yon Toyota Hilux koulè gri.
Otorite yo te dekouvri kadav Nancy Dorléan ak Sébastien Petit nan komin Taba Taba 24 jen pase a. Pèsonn pat janm gen nouvèl 2 jèn dansè yo aprè yo te fin patisipe nan yon repetisyon ak atis Misty Jean.
Kreyòl Enfo