Kreyòl Enfo, 4 desanm 2020.- Pwofesè Antoine Joseph Gérard Gourgue mouri jodi vandredi 4 desanm 2020 an sou kabann yon lopital nan kapital la. Pitit fi avoka a, Marina Gourgue, ki konfime enfòmasyon an pou redaksyon Kreyòl Enfo (KE) presize Gérard Gourgue te entène lopital depi premye desanm pase a.
Mèt Gérard Gourgue, 95 lane, se te youn nan avoka moun te plis rèspekte nan sosyete a. Li te pwofesè tou nan plizyè inivèsite. Militan dwa moun, Gérard Gourgue, te enstale kòm prezidan senbolik nan lane 2001 pandan batay Konvèjans demokratik t ap mennen kont Jean Bertrand Aristide ak Fanmi Lavalas.
Ekip Kreyòl Enfo a wete chapo epi koube l byen ba pou swete Mèt Gérard Gourgue bon travèse.
Pwofesè Gérard Gourgue