Home Entènasyonal IJAN : jodi a, kowonaviris touye prèske mil moun nan peyi Itali

IJAN : jodi a, kowonaviris touye prèske mil moun nan peyi Itali

by Kreyòl Enfo

Kreyòl Enfo, 27 mas 2020 .- Ofisyèlman nouvo kowonaviris la touye 919 moun nan peyi Itali pandan dènye 24 èd tan yo. Se pi gwo kantite moun viris la touye pandan yon jounen nan yon peyi a.

Soti 21 fevriye, 9 134 moun gentan pèdi lavi yo anba epidemi sa nan peyi Itali. Plis pase 86 500 moun kontamine ak viris la. Itali gen plis moun ki enfekte pase Lachin, peyi kote epidemi an te eklate nan finisman ane 2019 la.

10 950 moun geri pami kantite ki enfekte ak nouvo kowonaviris la nan tout peyi a, 3 732 lòt ap swiv terapi. Responsab lasante yo nan peyi Itali rekonèt plis moun ka pèdi lavi yo toujou nan jou k ap vini la yo.

Malgre espesyalis soti nan peyi Larisi, Lachin ak Kiba ap bay italyen yo bourad, sitiyasyon an toujou rete konplike. Prèske 40 medsen pèdi lavi yo tou pandan y ap tante kontrekare maladi a.

Kreyòl Enfo

0 comment