Ijan : Dram sou wout ayewopò, 8 moun peri nan yon aksidan machin

Pòtoprens, mèkredi 21 novanm 2018 .- Pou pi piti 8 moun mouri nan yon aksidan machin nan mitan jounen mèkredi a sou wout ayewopò a. Enfòmasyon ki rive jwenn Kreyòl Enfo fè se yon machin ak plak Sèvis Leta ( SE-03833 ) ki ta pèdi fren epi bwote moun yo ki t ap mache sou wout la.Yon jij depè gentan fè konsta legal yo epi pèmèt anbilans leve kadav yo.Toutswit aprè aksidan drajik sa, yon manifestasyon deklannche sou wout ayewopò a kote pwotestatè yo ki move kou kong gentan mete dife nan plizyè machin .Lapolis itilize anpil gaz lakrimojèn pou tante reprann kontwòl sitiyasyon an.