Kreyòl Enfo, 29 me 2020 .- Ansyen senatè depatman Nòdès, Derex Pierre Louis, mouri aswè vandredi a nan yon lopital Petyonvil. Yon manm nan fanmi ansyen palmantè a ki konfime enfòmasyon an pou Kreyòl Enfo (KE) prezise ansyen Derex Pierre Louis t ap soufri ak tout sentom kovid-19 yo.
Pwòch ansyen senatè a eksplike depi kèk jou Derex Pierre Louis te gen «yon gwo lafyèv, tous ak tèt fèmal». « Aprè sitiyasyon senatè ta pral vin konplike sa ki fè nou te oblije kouri ak li lopital». Aswè a, Derex Pierre Louis ki te gen «pwoblèm pou rèspire» rann dènye souf li.
Fanmi ansyen reprezantan depatman Nòdès la pat ka konfime si pwofesyonèl lasante yo te gentan fè tès kovid-19 pou viktim nan. Derex Pierre Louis te reprezantan Nòdès pandan plizyè lejislati.
Kreyòl Enfo