Ijan : Ansyen Direktè jeneral Lapolis Godson Orelus soti nan prizon

Kreyòl Enfo, 26 fevriye 2019.- Ansyen chèf Lapolis la Godson Orélus jwenn liberasyon l, jodi madi a (26), aprè kat (4) mwa fèmen nan prizon sivil Senmak, depatman Latibonit.

Lakou dapèl Gonayiv nan yon odyans plenyè akòde yon men leve ak ansyen Direktè Lapolis la ki te nan prizon nan kad dosye dividal gwo zam fanm fwa otorite yo te sezi nan waf Senmak la.

Godson Orélus te jwenn arèstasyon l 26 oktòb 2018 pandan jij Dieunel Lumérant t ap mennen ankèt sou dosye a.

Kreyòl Enfo