Home Aktyalite Ijan : ansyen depite Arnel Belizaire jwenn arèstasyon l nan vil Jakmèl

Ijan : ansyen depite Arnel Belizaire jwenn arèstasyon l nan vil Jakmèl

by Kreyòl Enfo

Kreyòl Enfo, 30 novanm 2019 .- Arnel Belizaire, ansyen depite Dèlma ak Taba, jwenn arèstasyon l nan lanwit vandredi pou louvri samdi 30 novanm 2019 la nan vil Jakmèl, depatman Sidès.

Pòt pawòl polis nasyonal la, Michel-Ange Louis Jeune, ki konfime enfòmasyon an pou Kreyòl Enfo (KE) presize se ajan Inite depatmantal pou tabli lapè (UDMO, sig nan lang franse) nan sidès ki arete ansyen palmantè a pandan li te nan machin ap rantre Jakmèl.

Michel-Ange Louis Jeune eksplike lapolis mete lapat sou 7 lòt endividi ki te akonpaye Arnel Belizaire ak 3 machin chaje zam ak minisyon.

Pakè Pòtoprens te mete manda pou arete Arnel Belizaire depi nan kòmansman semèn nan. Komisè gouvènman Pòtoprens la, Mèt Jacques Lafontant, repwoche ansyen palmantè a kòm moun k ap fè konplo kont sekirite Leta.

Kreyòl Enfo

0 comment