IJan : 2 jèn gason tonbe anba bal bò estad Silvyo Katò

Sitiyasyon an toujou rete mangonmen nan kapital la aprè midi dimanch 18 novanm nan. Kreyòl Enfo konfime gen 2 jèn gason ki tonbe anba bal bò estad Silvyo Katò ( Sid Pòtoprens).

Kèk sitwayen ki nan lantouray kote zak la pase a fè kwè se yon machin lapolis ki ta tire sou yon gwoup jèn gason ki t ap soti nan manifestasyon pandan te gen gwo latwoublay nan zòn nan.

Jij depè tribinal seksyon sid la, James Saint Jean, ki t ap fè konsta legal yo di li pa jwenn okenn pyès pou idantifye viktim yo.

Nan moman n ap ekri tèks la (5:10), anpil kout zam ap chante nan zòn metwopolitèn Pòtoprens la sitou nan twazyèm sikonskripsyon an.