Gwomòn : yon mwa aprè tranbleman tè a, elèv lekol pran lari pou fòse Leta pran responsabilite l

Elèv lise Jacques Roumain nan Gwomòn, depatman Latibonit, leve kanpe, jedi 15 novanm lan, pou denonse move kondisyon yap resevwa pen lenstriksyon depi aprè tranbleman tè 6 oktòb la ki te sakaje batiman lise a.

Elèv yo te manifeste nan divès ri komin lan epi fèmen pòt enstitisyon piblik yo tankou Lameri, ofisye leta sivil, elatriye, yon fason pou fè otorite yo tande vwa yo. Pwotestatè yo menase pou bloke tout wout prensipal nan komin nan si yo pa jwenn satisfaksyon.

Majistra prensipal komin Gwomòn lan, Jean Renel Tide di se nan 2, 3 chanm kay bwa epi ki kouvri ak pwela yo te aranje pou elèv yo te kapab swiv kou aprè goudougoudou 6 oktòb la te fin sakaje batiman lise a.

Jean Renel Tide kontinye pou l di gwo lapli ki tap tonbe nan lannwit mèkredi 14 novanm lan lakoz timoun yo paka rantre al swiv kou nan espas la.