Gwo chabrak bloke rapò sou zak maspinay polisye te fè sou jounalis Georges Allen ak plizyè lòt sitwayen, daprè OPC

👤 Kreyòl Enfo

Kreyòl Enfo: 25 me 2020.- Ofis pwoteksyon sitwayen (OPC, sig nan lang franse) denonse konpòtman plizyè gwo chabrak nan peyi a ki anpeche Direksyon jeneral polis la pibliye rezilta rapò plizyè zak maspinay polisye fè sou sitwayen. Enspeksyon jeneral prepare rapò sa yo epi voye bay Direksyon jeneral polis la depi kèk tan.

Pwotektè sitwayen an, Mèt Renan Hérouville, presize pami rapò ki deja disponib sou biwo Direktè Normil Rameau gen dosye Senatè Kedlaire Augustin, journalis Georges E. Allen, atis Jean Jean Roosevelt, sitwayen Patrick Benoit ak lòt ankò.

Nan yon lèt li voye nan direksyon jeneral PNH la jodi a, Renan Hérouville mande Normil Rameau pran tout dispozisyon pou pibliye rapò ankèt sa yo ki gen anpil enpòtans pou sosyete a. Li konseye Direktè jeneral la pa pran presyon nan men okenn gwo chabrak ki vle jete travay teknik Enspeksyon jeneral la nan fatra.

»   IJAN : Léon Charles ranplase Normil Rameau nan tèt Polis Nasyonal Ayiti a

Pwotektè sitwayen an swete gen sanksyon ki pran kont tout polisye Enspeksyon jeneral idantifye ki mele nan zak maspinay sou kèlkeswa sitwayen jan lalwa egzije.

Kreyòl Enfo

ou ka enterese