Récents :

Kreyòl Enfo

Se sous la

Politik 

Grèv Sektè demokratik popilè te lanse a pa rèspekte

Kreyòl Enfo ,

Pòtoprens, lendi 26 novanm 2018 .- Tout aktivite ap fonksyone nan kapital la, maten lendi 26 novanm nan, malgre modòd grèv Sektè demokratik popilè ak divès òganisyon te lanse a.

Nan laviwonn y ap fè nan Pòtoprens ak lantouray li, kolaboratè Kreyòl Enfo yo konstate, bò 9 :15 maten, pòt lekòl louvri, kamyonèt ak tibis ap transpòte moun nan divès estazyon nan zòn metwopolitèn nan.

Anpil ti machann mete komès yo deyò epi mache piblik ki louvri nan kòmansman jounen an.

Kreyòl Enfo konstate tou gen plizyè gwo biznis tankou makèt, magazen, labank ak estasyon gaz ki louvri pòt yo.

Sektè demokratik ak popilè a nan tèt kole ak plizyè òganisyon politik te lanse mouvman grèv la pou lendi 26 ak madi 27 novanm lan epi anonse yon manifestasyon mèkredi 28 novanm nan pou kontinye egzije demisyon prezidan Jovenel Moïse.