Pòtoprens, samdi 8 desanm 2018 .- Sekretè Leta kominikasyon an, Eddy Jackson Alexis anonse, ayè vandredi a (7), gouvènman an pral depoze yon plent devan lajistis kont tout moun yo sispèk ki patisipe nan gagote lajan pwogram PetwoKaribe a.
Chèf gouvènman an, Jean Henry Céant, deja pran tout dispozisyon pou plent la depoze senmenn k ap vini an, daprè Eddy Jackson Alexis.
Yon lòt kote, mouche Alexis anonse dyalòg ap kontinye nan mitan tout aktè politik ki konsène nan kriz politik peyi a ap travèse jounen jodi a. Li presize gen yon dokiman ki deja prepare pou mete sou tab diskisyon ak tout moun k ap patisipe nan dyalòg la.
Kreyòl Enfo