Gouvènman an mete kanpe komisyon pou retire zam nan katye popilè yo, CNDDR

Kreyòl Enfo, 12 fevriye 2019 .- Administrasyon Moise/Céant an mete kanpe, lendi 11 mas la, Komisyon nasyonal dezameman, demantèlman ak reyensèsyon an (CNDDR ) ki te egziste pandan dezyèm manda prezidan René Préval la. Nèf (9) man komisyon sa enstale pandan yon seremoni nan palè nasyonal devan prezidan Repiblik la, Jovenel Moise, ak premye minis la, Jean Henry Céant.

CNDDR a gen pou misyon kòwòdone epi aplike politik Leta pou retire zam epi kraze gwoup gang k ap simen latwoublay nan peyi a epi rantre endividi sa yo nan pwogram sosyal.

Komisyon sa gen Edwine FLOREXIL, prezidan, ansanm ak Innocent JOSEPH, Jean Rebel Dorcenat, Lucien Jean CHENET, Rodiny JEAN-BAPTISTE, Jude JEAN-PIERRE, Frantz TOYO, Abler KOUDY, Lalanne GREATZ, Marie Lydie Sironnel CHARLES.

Kreyòl Enfo