Home Sante Gonayiv : yon fòmasyon espesyal pou jounalis sou kowonaviris

Gonayiv : yon fòmasyon espesyal pou jounalis sou kowonaviris

by Kreyòl Enfo

Kreyòl Enfo, 15 mas 2020 .- Direksyon depatmantal lasante nan Latibonit (DSA, sig nan lang franse) òganize, vandredi 13 mas la, yon seyans fòmasyon sou kowonaviris pou plis pase 30 jounalis ak animatè radyo nan site lendepandans la.

Seyans fòmasyon sa fèt nan lide pou bay travayè laprès nan vil Gonayiv yo zouti pou patisipe nan kanpay sansibilizasyon pou ede popilasyon an byen pwoteje tèt li kont covid-19 la malgre poko gen moun ki enfekte ak viris la ofisyèlman nan peyi a, daprè direktè depatmantal lasante Latibonit la.

Doktè Marcel Chatelier fè kwè gen anpil dispozisyon ki deja pran pou akonpanye sitwayen yo si kowonaviris ta rive Latibonit. Li di gen plizyè lokal pou mete malad nan izòlman menm si li pat ka presize ki kote lokal sa yo ye.

Prèske 8 moun deja mouri nan mond la ak kowonaviris ki gentan enfekte moun nan 144 peyi.

Kreyòl Enfo

0 comment