Gonayiv, sitwayen yo gen gwo dout sou kanaval nasyonal la

👤 Kreyòl Enfo

Gonayiv, 28 janvye 2019 .- Sitwayen nan vil Gonayiv gen gwo dout sou volonte reyèl otorite yo pou òganize kanaval nasyonal 2019 la nan site lendepandans la.

Pandan yon bat bouch Kreyòl Enfo fè ak plizyè gwoup nan vil la pandan wikenn nan, sitwayen yo eksplike poko gen yon aksyon ki fèt nan vil la pou montre pral gen kanaval nan kòmansman mwa mas la.

Robert, yon jèn gason nan katye Raboto di li konstate《plizyè ri kraze, pa gen asenisman, kanal pa netwaye, pa gen okenn siy ki montre pral gen kanaval nan vil la》.

Yon rèsponsab nan yon òganizasyon sosyal ki pat vle non l site deklare 《 gouvèman an t ap fè anpil bri di Gonayiv pran tounen yon chantye avan kanaval la, men mwa janvye prèske fini yo poko fè anyen. M pa kwè ap gen kanaval vre. Nan lane 2014, moun te kòmanse wè kèk aktivite depi nan kòmansman mwa janvye 》.

»   Ensekirite-Gonayiv : yon militan opozisyon an tonbe anba bal nan katye Raboto

Kanaval nasyonal la ta dwe dewoule nan vil Gonayiv 3, 4 ak 5 mas 2019 anba tèm « Ann chita pale pou Ayiti « .

Rolguy Docteur

ou ka enterese