Gonayiv, pwosè Clifford Brandt ki te dwe demare jodi a repòte

Gonayiv, madi 27 novanm 2018 .- Kontrèman ak jan sa te prevwa, pwosè Clifford Brandt la pa demare nan vil Gonayiv jodi madi a.

Youn nan avoka mouche Brandt yo, mèt Marc Antoine St-Vil eskplike pwosè a pa demare paske fòs lòd yo pat rantre ak prezime kidnapè a Gonayiv. Ajan yo pat vle riske kouri sou wout nasyonal nimewo 1 an ak Clifford Brandt nan moman gen gwo mouvman pwotestasyon divès kote sou wout la.

Otorite lajistis yo nan Gonayiv repòte pwosè a pou madi 4 desanm 2018 k ap vini la a.

Clifford Brandt nan prizon depi lane 2012 pou dosye kidnaping, asosyasyon malfektè, zam ilegal ak lòt ankò.

Docteur Rolguy