Gonayiv : pou konbat ensekirite a, komisè gouvènman an mande konkou sitwayen yo

Kreyòl Enfo, 11 mas 2019 .- Zak ensekirite yo pa sispann repete nan site lendepandans la denye jou sa yo. Bandi ak zam deja retire lavi plizyè sitwayen epi vole lajan yon dividal lòt.

Chèf pakè Gonayiv la, Mèt Serard Gasius pwomèt, ansanm ak lapolis, pou mete lapat sou tout atoufè k ap komèt move zak nan vil la. Komisè gouvènman an mande popilasyon an kolabore ak otorite yo nan pataje enfomasyon sou move je k ap kreye latwoublay nan vil la.

Mèt Serard Gasius kritike depite sikonskripsyon Lestè a (Latibonit) li di ki te refize kolabore ak pakè a nan moman li menm ak lapolis te debake nan yon reyinyon politik ki t ap dewoule semèn pase a kote plizyè endividi ak zam t ap patisipe

Robert Dieudonné, ki te konn chanje lajan etranje, se dènye sitwayen bandi yo touye anba bal nan vil Gonayiv.

Kreyòl Enfo