Home Edikasyon Gonayiv, plizyè jèn aprann yon metye pandan vakans lan

Gonayiv, plizyè jèn aprann yon metye pandan vakans lan

by Kreyòl Enfo

Kreyòl Enfo, 5 septanm 2019.- 60 jèn fi ak jèn gason resevwa, wikenn pase a, yon Atestasyon aptitid pwofesyonel (AAP) aprè 3 mwa fòmasyon nan lekòl pwofesyonel Gonayiv la. Afloral, Elektrisite, Karelaj, Makrame ak Mekanik se kèk pami metye jèn sa yo te aprann.

Direktè lekòl pwofesyonèl Gonayiv la, Ezéchiel Jean Baptiste, eksplike yo mete pwogram espesyal sa pandan vakans lan nan lide pou ofri jèn yo posibilite pou aprann yon metye olye yo lage kò yo nan aktivite debòch ak delankans.

Ezechiel Jean Baptiste, ki di li satisfè pou fason jèn fanm ak jèn gason sa yo te bay tout enèji yo pou aprann pandan 3 mwa ki sot pase la a, swete rapouswiv ak ekperyans la.

Direktè a espere lekòl pwofesyonèl Gonayiv la jwenn bourad lajan pou pèmèt plis jèn aprann metye. Ezéchiel Jean Baptiste raple metye se youn nan pi gwo eleman nan devlopman yon peyi.

Kreyòl Enfo

0 comment