Home Aktyalite Gonayiv : plizyè anbilans rete kanpe nan lopital Lapwovidans akoz pwoblèm kawoutchou

Gonayiv : plizyè anbilans rete kanpe nan lopital Lapwovidans akoz pwoblèm kawoutchou

by Kreyòl Enfo

Kreyòl Enfo, 16 jiyè 2019.- Pandan lopital Lapwovidans Gonayiv gen pwoblèm anbilans pou transpòte malad, plis pase 15 nan machin sa yo rete kanpe sou lakou lopital la, daprè sa kolaboratè Kreyòl Enfo nan depatman Latibonit la konstate.

Yon mekanisyen ki di li abitye travay pou lopital la eksplike genyen nan machin yo ki kanpe nan lakou a depi anviwon 5 lane akoz sèlman yon pwoblèm kawoutchou.

Teknisyen an ki pa vle non l site presize genyen nan machin yo ki gen pwoblèm transmisyon, tèt silend ak klòtch. Li regrèt paske administrasyon lopital la pa fè anyen pou ranje machin sa yo malgre sa pap koute anpil lajan.

Mariz, yon sitwayèn nan katye Raboto k ap vann devan lopital la siyale gen plizyè moun ki pèdi lavi yo paske yo pa jwenn anbilans pou kouri mennen yo pran laswenyay.

Lopital Lapwovidans gouvènman Kanada te bay bourad lajan pou konstwi ap fè fas ak divès pwoblèm materyèl.

Kreyòl Enfo

0 comment