Gonayiv mobilize pou resevwa 4e etisyon « File l monte »

Kreyòl Enfo, 29 mas 2019 .- Jèn ki soti nan divès rejyon nan peyi a rasanble nan vil Gonayiv pou patisipe nan katriyèm edisyon « File l monte » k ap dewoule samdi 30 mas la. Jounen kiltirèl sa òganizasyon « Plezi boul » ap reyalize gen pou objèktif sansibilize lajenès pou konsève koutim ak mès ayisyen genyen kòm pèp.

Anpil jwèt tankou domino, sote kòd, marèl, teke mab, plamen cho ap prezan nan 4e edisyon « File l monte » a, daprè rèsponsab yo.

Pandan jounen kiltirèl sa tou, ti machann yo pral fè pwomosyon pou pwodwi lokal pami yo lalo, doukounou, pen patat, frèsko ak lòt ankò.

Sitwayen yo pap bezwen yon pyas pou patisipe nab katriyèm edisyon « File l monte  » a nan « Village des Dattes ».

Kreyòl Enfo