Home Sante Gonayiv : lopital Lapwovidans gen pwoblèm gaz ak oksijèn

Gonayiv : lopital Lapwovidans gen pwoblèm gaz ak oksijèn

by Kreyòl Enfo

Kreyòl Enfo, 24 oktòb 2019.- Lavi plizyè timoun menase nan lopital Lapwovidans (Gonayiv) akoz pwoblèm gaz ak oksijèn, daprè enfòmasyon direktè depatmantal sante piblik la, Marcel Chatelier, konfime pou Kreyòl Enfo.

Direktè depatmantal sante Latibonit la di deja gen demach ki tanmen pou jwenn bonbòn oksijèn prete pou sove lavi timoun yo. Li presize pi gwo lopital nan depatman Latibonit la ap fè fas ak pwoblèm sa yo depi kèk jou.

Direktè depatmantal la fè kwè se latwoublay politik ki anpeche lopital la resevwa materyèl pou pèmèt li bay popilasyon an laswenyay.

Doktè Chatelier regrèt plizyè lopital nan depatman Latibonit la riske fèmen si pa gen anyen ki fèt pou debloke wout yo epi pèmèt machin ki pote gaz ak medikan yo pase.

Kreyòl Enfo

0 comment