Home Aktyalite Gonayiv (Latibonit) : Senchal Bowome fete anbachal

Gonayiv (Latibonit) : Senchal Bowome fete anbachal

by Kreyòl Enfo

Kreyòl Enfo, 5 novanm 2019.- San prezans otorite nan depatman Latibonit la yon mès selebre nan katedral site lendepandans lan, 4 novanm pase a, pou selebre sen patwon vil la, Senchal Bowome.

Majistra prensipal Gonayiv la, Neil Latortue, regrèt yo pat ka fete sen patwon vil la jan sa abitye fèt akoz sitiyasyon malouk peyi a ap travèse dènye jou sa yo. Li eksplike mès ki chante nan katedral la se yon fason pou montre atachman yo ak Senchal Bowome.

Neil Latortue swete aktè politik yo mete tèt ansanm pou rezoud kriz politik ki tabli nan peyi a depi twò lontan.

Kolaboratè Kreyòl Enfo (KE) nan depatman Latibonit la konstate te genyen gwo mouvman pwotestasyon nan lari Gonayiv pandan mès la t ap chante anndan katedral la. Okenn pèleren pat soti nan lòt vil pou vin patisipe nan fèt Senchal Bowome ane sa tou.

Kreyòl Enfo

0 comment