Home Aktyalite Gonayiv : komisè gouvènman an entèdi 3 jounen lapriyè yon gwoup pastè te prevwa òganize kont kovid-19 la

Gonayiv : komisè gouvènman an entèdi 3 jounen lapriyè yon gwoup pastè te prevwa òganize kont kovid-19 la

by Kreyòl Enfo

Kreyòl Enfo, 9 mas 2020 .- Komisè gouvènman Gonayiv la, Mèt Sérard Gasius, entèdi 3 jounen lapriyè lig pastè yo te prevwa òganize sou « Plas Boutèy » kont kowonaviris 18, 19 ak 20 avril k ap vini la a.

Mèt Sérard Gasius di li pran desizyon sa sou baz dekrè prezidansyèl ki te deklare ijans sanitè sou tout tèritwa nasyonal la. Komisè gouvènman an raple pastè yo dekrè prezidansyèl sa entèdi gwo rasanbleman sou kèlkeswa fòm nan.

Devan menas pandemi a, Mèt Gasius di li rekonèt nan moman an gen nesesite anpil lapriyè men, li siyale tou rèsponsabilite li genyen pou ede sitwayen yo pwoteje tèt yo kont maladi a kèlkeswa relijyon yo.

Komisè gouvènman an kwè pastè ak fidèl yo ka toujou lapriyè lakay yo pou mande Bondye pwoteje Ayiti ak chak grenn Ayisyen. Li konseye tout manm lig pastè Gonayiv la patisipe sanbilize pèp la pou pwoteje tèt yo kont nouvo kowonaviris la.

Kreyòl Enfo

0 comment