Home Aktyalite Gonayiv, 7 anplwaye lopital Lapwovidans anba men lajistis

Gonayiv, 7 anplwaye lopital Lapwovidans anba men lajistis

by Kreyòl Enfo

Kreyòl Enfo, 29 fevriye 2020 .- Jij depè tribinal seksyon Nò Gonayiv la, Mèt Yves Darius bay lòd pou arete, ayè vandredi a, 7 anplwaye lopital Lapwovidans, daprè enfòmasyon kolaboratè Kreyòl Enfo nan depatman Latibonit la konfime.

Anplwaye sa yo jwenn arèstasyon yo paske jij la sispèk yo ta mele nan dosye pano solèy, kabann ak lòt materyèl ki disparèt depi kèk jou nan lopital la. Pami sispèk ki arete yo gen ajan seo kirite, teknisyen, rèsponsab lojistik ak chofè pèsonèl direktè lopital la, Mesye Jude Rénélique .

Mèt Yves Darius ki t ap tande sispèk yo di gen ase eleman pou fèmen yo nan prizon. Jij la di gen lòt moun ki ap pran prizon tou nan kad dosye sa.

Enfòmasyon Kreyòl Enfo jwenn anndan lopital Laprezidans konfime se nan anbilans moun k ap vòlè yo transpòte materyèl yo pran nan lopial la.

Kreyòl Enfo

0 comment