Gold Cup : Gras ak Pierrot Ayiti chavire Bèmid

Kreyòl Enfo, 16 jen 2019 .- Premye match, premye viktwa pou seleksyon nasyonal foutbòl la ki bat Bèmid (Bermudes) 2-1 jodi dimanch la (16 jen) nan kad 15e edisyon Gold Cup la.

Grenadye yo ki te mal kòmanse match la ta pral pran yon gòl nan finisman premye mitan an (45+1). Dante Leverock te twonpe tout defans Ayiti a epi plase yon bèl kout tèt sou bò dwat Johnny Placide ki pat ka fè anyen.

Grenadye yo ta pral reyaji nan dezyèm mitan an. Frantzdy Pierrot make 2 gòl ( 52′, 63′) epi pèmèt seleksyon bat Bèmid (2-1).

Move nouvèl pou seleksyon an nan match sa se Mechack Jérôme ki blese depi nan premye minit yo.

Grenadye yo ap gen pou afwonte ekip Nikaragwa a, 20 jen k ap vini la a.

Kreyòl Enfo