Gold Cup : Ayiti bat Nikaragwa epi kalifye pou 1/4 final

Kreyòl Enfo, 20 jen 2019 .- Bèl operasyon pou seleksyon nasyonal foutbòl la ki bat, aswè jedi a, Nikaragwa 2-0. Jèn mitan teren ayisyen an, Steven Sabbat, make premye gòl rankont la ak yon bèl chout nan 22e minit premye mitan an. Aprè Derrick Étienne te fin fè yon bèl aksyon nan kare Nikaragwa a, M. Rosas ta pral make nan pwòp kan li (33e) epi pèmèt grenadye yo mennen 2-0.

Viktwa sa pèmèt seleksyon nasyonal la kalifye pou 1/4 final yo avan menm li jwe twazyèm match gwoup la kont Kostarika 24 jen nan Red Bull Arena a.

Kreyòl Enfo