Giannis Antetokounmpo ak Tobias Harris se meyè jwè pou sizyèm semèn NBA a

Pòtoprens, 26 Novanm 2018 .- 3 viktwa, yon defèt se bilan Milwaukee Bucks soti 19 pou rive 26 novanm . Bucks yo reyisi bon pèfòmans sa gras ak Giannis Antetokounmpo (Greek Freak) ki fini meyè jwè konferans lès la pou semèn pase a. Pandan peryòd sa, Greek Freak woule ak yon mwayèn 32.8 pwen, 14 rebon , 6.5 pas ak 64% reyisit nan chak match.

Nan konferans lwès la, se Tobias Harris ki fè lalwa pandan semèn pase a. Gras ak yon mwayèn 24.8 pwen ak 8.8 rebon nan chak match, Harris pèmet Los Angeles Clippers fè 3 viktwa sou 4 match li jwe pandan peryòd sa .