Kreyòl Enfo, 2 desanm 2019 .- 4 viktwa pou zero defèt se bilan Milwaukee Bucks sòti 25 novanm pou rive 2 desanm . Bucks yo reyisi bon pèfòmans sa gras ak Giannis Antetokounmpo ki fini, san sipriz, meyè jwè konferans lès la pou semèn pase a. Pandan peryòd sa, « Greek Freak » woule ak yon mwayèn 34.8 pwen 11.3 rebon. Bucks yo sou 11 viktwa youn kole ak lòt pandan sezon an.
Nan konferans lwès la, se Carmelo Anthony ki fè lalwa pandan semèn pase a malgre eksplwa Luka Doncic ak James Harden pandan menm peryòd la.. Gras ak yon mwayèn 22.3 pwen , 7.7 rebon epi 55% nan shout nan chak match, Carmelo Anthony pèmèt Portland trail Blazers fè 3 viktwa sou 3 match li jwe pandan peryòd sa .
Sa fè 16èm fwa Carmelo Anthony jwenn rekonpans sa.
N ap siyale Nick Nurse k ap antre Toronto Raptors1 (14 viktwa , 4 defèt ak Frank Vogel ki nan tèt Los Angeles Lakers (17 viktwa , 2 defèt) se meyè Antrenè mwa novanm 2019 la.
Kreyòl Enfo