Home Aktyalite Fritz Jean Louis, ansyen minis Tèt Kale, blese anba bal

Fritz Jean Louis, ansyen minis Tèt Kale, blese anba bal

by Kreyòl Enfo
Kreyòl Enfo, 13 novanm 2019 .- Ansyen minis delege bò kote premye minis rèsponsab dosye elektoral pandan administrasyon Michel Martelly a, Jean Fritz Jean Louis blese anba bal, aprè midi mèkredi a (13), nan machin li nan sant vil Pòtoprens. Ansyen minis la resevwa plizyè katouch pami yo youn bò santi, daprè enfòmasyon ki rive jwenn redaksyon Kreyòl Enfo. Machin ansyen minis la resevwa plizyè bal tou pandan atak la. Lapolis pa rive fè okenn arèstasyon aprè zak la. Nap raple Jean Fritz Jean Louis te okipe plizyè pòs pandan pandan Michel Joseph Martelly t ap dirije peyi a. Li te sekretè Leta kolektivite yo, Direktè jeneral Lotri Leta Ayisyen (LEH) ak minis delege bò kote premye minis la pou dosye elektoral. Kreyòl Enfo
0 comment