Home Espò Foutbòl zepòl kare : yon 54e « Superbowl » cho nan vil Miyami

Foutbòl zepòl kare : yon 54e « Superbowl » cho nan vil Miyami

by Kreyòl Enfo

Kreyòl Enfo, 2 fevriye 2020 .- Aswè dimanch la, 6zè30, tout zye pral fikse sou vil Miyami, Eta Florid, ki pral resevwa 54e final foutbòl zepòl kare a (Superbowl). Nan Hard Rock Stadium nan Kansas City Chiefs pral twoke kòn li ak 49ers San Francisco.

Jimmy Garapollo se youn nan jwè moun pral plis swiv pandan evènman espòtif sa. Jimmy se Quaterback 49ers San Francisco.

Men kèk enfòmasyon nou dwe konnen sou 54e Superbowl la :

➡ Pou pi piti, 180 peyi ap retransmèt match sa nan tout mond lan. Kòmante ap fèt nan anviwon 25 lang.

➡ Nan peyi Etazini, chak 30 segond piblisite ap koute 5.6 milyon dola vèt.

➡Pandan 4 èd tan retransmisyon match la , 350 milyon dola ap brase sèlman nan piblisite.

➡Pou yon moun asiste 54è Superbowl la ( final foutbòl ameriken an ) k ap dewoule nan vil Miyami w ap bezwen pou pi piti 7 mil dola vèt.

➡ 110 milyon moun ta dwe asiste match sa sèlman nan peyi Etazini.

➡Gras ak evènman espòtif sa, 51.7 milyin kès byè ta dwe vann jodi dimanch la nan peyi Etazini.

➡1,25 milya zèl poul  » Chicken Wings  » ap koupe nan asyèt pandan sware a.

Demi Lovato se non atis k ap chante im (Hymne) nasyonal ameriken an,  » The Star- Spangled Banner « . Depi 26 Septanm 2019, NFL ( Nasyonal football Ameriken ) te deja anonse se Jennifer ak Shakira ki pral fè « Show » nan mitan match la.

Kreyòl Enfo

0 comment