Home Espò Foutbòl-transfè : Grenadye Jimmy Bend Alexis pran direksyon Ameni

Foutbòl-transfè : Grenadye Jimmy Bend Alexis pran direksyon Ameni

by Kreyòl Enfo

Kreyòl Enfo, 29 dawout 2019.- Jèn defansè ayisyen Jimmy Bend Alexis, 21 lane, ki t ap evolye nan Asosiyasyon espòtiv kapwaz (ASC sig nan lang franse) pral evolye pandan 2 lane k ap vini la yo nan FC Lori, klèb premye divizyon nan peyi Ameni.

Detay Kreyòl Enfo rive jwenn sou transfè sa konfime ASC dakò pou prete Jimmy Bend Alexis ak ekip FC Lori a pandan 2 zan avèk posibilite pou klèb Amenyen an achte jèn grenadye a nèt. 2 ekip yo pa bay okenn presizyon sou kantite lajan ki depanse pou transfè sa a.

Aprè bèl prèstasyon li nan Gold Cup la ak seleksyon nasyonal la, Jimmy Bend Alexis, ansyen kapitèn ASC a, pral jwe nan chanpyona Ameni an kote konpatriyòt li Alex Christian Junior ap evolye.

Kreyòl Enfo

0 comment